Um okkur
Útvarpsþátturinn Fótbolti.net hóf göngu sína á útvarpsstöðinni
XFM 91.9 í febrúar árið 2005. Þættinum stjórna Elvar Geir
Magnússon og Gunnar Jarl Jónsson
Gunnar Jarl Jónsson er málglaður maður með einstaklega mikinn
áhuga á dómgæslu. Hann er 21 árs forfallakennari sem gat sér gott
orð fyrir íþróttalýsingar á Útvarpi Sögu á sínum tíma og var með
íþróttafréttir á ónefndri rokkstöð. Þá hefur hann "ófáa" pistlana
skrifað fyrir Fótbolta.net og er svo sannarlega maður með skoðanir
og stendur og fellur með þeim.
Elvar Geir Magnússon er 19 ára nemi sem stundar nám á
fjölmiðlabraut Fjölbrautaskólans í Breiðholti. Elvar á ekki langt
að sækja knattspyrnuáhugann þar sem faðir hans hefur þjálfað marga
þjóðþekkta knattspyrnukappa. Fjölmiðlaferill Elvars hófst hjá
tónlistartímaritinu Sánd en hann hefur nú starfað sem ritstjóri
Fótbolta.net í þónokkurn tíma og getið sér gott orð fyrir fáguð
vinnubrögð og skemmtilegar greinar. Elvar er harður stuðningsmaður
Inter. |